美國電影協會（American Film Institute）2001年公佈的百年100部最佳驚慄片排名名單:
1.觸目驚心 PSYCHO（1960）
緊張大師希治閣的名作,愛驚慄片的人必看!在1960年用精神分裂來做電影題材,好前衛~~~(女主角洗白白時慘遭殺害的經典一幕)
2.大白鯊 JAWS (1975)
史匹堡經典之作,最經典的是片中的配樂,一聽見這首恐怖的配樂就知道大白鯊已殺到嚟!(驚~~)
3.驅魔人THE EXORCIST(1973)
小妹妹被鬼上身搞到人唔似人...(慘~~)不如揾楝篤笑驅魔人林以諾拍番套港版吖!
4.北西北 NORTH BY NORTHWEST(1959)
又係希治閣作品,"亡命天涯"式嘅大逃亡電影鼻祖,今時今日睇番,都依然覺得D場面拍得好有迫力!
5.沉默的羔羊 THE SILENCE OF THE LAMBS (1991)
安東尼鶴健士飾演嘅食人醫生漢尼拔,深藏不露,運籌帷幄,蓄勢待發,笑騎騎放毒蛇!簡直係殺人兼食人嘅專家、學者、藝術家!係世界上最恐怖嘅癲佬!!
6.異形 ALIEN (1979)
這套不用多介紹了吧! 第一次看這隻太空曱甴由蟲卵,到寄生於人體,到成蟲時在人身上破體而出,實再看得目定口呆...
不過,我更加鍾意睇第二集,因為軍隊同一大班異形大戰夠晒精彩刺激,仲有異形皇后VS薜歌尼韋花機械人。(笑)
7.鳥 THE BIRDS(1963)
都係希治閣嘅作品,以60年代的技術拍出群鳥瘋狂襲小鎮的場面,強~~~~
電影尾段,靚女主角在房中被群鳥圍攻的一幕,更是經典中的經典!
8.密探霹霹火 THE FRENCH CONNECTION (1971)
哩套關驚慄片咩事?乜唔係警匪片咩?片中描述兵捉賊的鬥智、鬥力、鬥耐性,拍得非常引人入性! (這場經典的私家車追火車場面實在太刺激喇~~~)
9.魔鬼怪嬰 ROSEMARY'S BABY(1968)
哩套未睇過添...
10.奪寶奇兵 RAIDERS OF THE LOST ARK (1981)
這套也不用多介紹了吧! 夏理遜福飾演的印第安納鍾斯博士,在大學裡授課時戴起眼鏡官仔骨骨,一出發去尋寶就360度大變身,變咗個身手敏捷嘅粗擴猛男!簡直型爆~~~
(下面是幽黙的一幕)
真是套套不滅的經典,下回再數落去。
